અમેરિકાના બોસ્ટન ખાતે કોલ્ડપ્લેનો કોન્સર્ટ યોજાયો હતો. અને આ કોન્સર્ટનો એક વિડીયો હાલ ખુબ વાયરલ થઈ રહ્યો છે. આ વિડીયોમાં ટેક કંપની  એસ્ટ્રોનોમરના CEO એન્ડી બાયરન અને તેમની કંપનીના HR ચીફ ક્રિસ્ટિન કેબોટ એકસાથે જોવા મળ્યા હતા.  

કોલ્ડપ્લે કોન્સર્ટમાંથી એસ્ટ્રોનોમરના CEO એન્ડી બાયરન અને તેમની કંપનીના HR ચીફ ક્રિસ્ટિન કેબોટનો એક વીડિયો વાયરલ થયો છે. અને આ વાયરલ વીડિયો બંને વચ્ચે અફેર હોવાની ચાડી ખાય છે. સોશિયલ મીડિયા પર વાયરલ થઈ રહેલા વીડિયોમાં બંને એકબીજાની ખૂબ નજીક જોવા મળી રહ્યા છે.

જણાવી દઈએકે બુધવારે રાત્રે કોલ્ડપ્લેના કોન્સર્ટ દરમિયાન જ્યારે કિસ કેમનું ધ્યાન પ્રેક્ષકોમાં રહેલા કપલ પર કેન્દ્રિત હતું ત્યારે કેમેરા એન્ડી બાયરન અને ક્રિસ્ટન કેબોટ પર અટકી ગયો. વીડિયોમાં બંને એકબીજાની બાહુપાશમાં એક બીજામાં ખોવાયેલા જોવા મળ્યા હતા. પરંતુ જેમ જેમ તેમને ખ્યાલ આવ્યો કે તેઓ સ્ક્રીન પર છે. કેમેરા તેમને રેકોર્ડ કરી રહ્યો છે કે તરત જ બાયરને પોતાને છુપાવવાની કોશિશ કરી અને તે નીચે બેસી ગયો તો બીજી તરફ કેબોટ પણ ઉંધા ફરી ગયા અને હાથથી પોતાનો ચહેરો ઢાંકતા નજર પડ્યા. આ પછી પરિસ્થિતિની નાજુકતાને સમજીને સિંગર ક્રિસ માર્ટિને કહ્યું, ‘ઓહ… કાં તો આ બંને અફેરમાં છે અથવા તેઓ ખૂબ શરમાળ છે.’

બીજ તરફ બાયરન અને તેના HR ચીફના આ વીડિયોએ સોશિયલ મીડિયા પર ધૂમ મચાવી દીધી છે. વીડિયોએ કથિત રીતે બંને વચ્ચે અફેરની અટકળોને જન્મ આપ્યો છે. આ વાયરલ વીડિયો પર સોશિયલ મીડિયા પર યુઝર્સ જોરદાર પ્રતિક્રિયાઓ આપી રહ્યા છે.